L016
D122 : In Occasionem.
De la deesse Occasion.
Je suys Occasion que Lysippus forma,
La marque seulle estant du chair temps que l'homme a.
La roe ay soubz mes piedz, dont ne puis arrester.
Les plumes que je y ay, me font plus fort haster.
Mon rasoir signe rend, que tout oultre je taille.
Mes cheveulx au front seul, monstrent qu'on ne me faille:
Car si le doz je tourne, a coup puis eschapper:
Veu que derriere poil n'ay, ou l'on me puisse happer.
A cause de vous tous, l'ouvrier feist mon histoire
Esperant que seray image monitoire.
Pour ce santé durant, mettez le temps a point
Veu que en vieillesse, a tard remord au cueur vous point.