Switch to Dual Emblem Display

Link to an image of this page  Link to an image of this page  [I5v p138]

Sur la statue d’Amour.

Contradiction.

Que c’est Amour, Poëtes hont dict vers
Qui ses beaulx faictz monstrent soubz noms, divers
Tous sont d’accord, qu’il soit petit. estant
Aveugle & nud ailes, & traictz portant.
Tel ilz le font. Mais contre espritz si haulx
(Si parler jose:) Il me semble estre faulx.
Link to an image of this page  Link to an image of this page  [I6r p139] Car, Pourquoy nud? Comme si robe munde
N’eust point celluy qui ha tous biens du monde?
Comme se peut l’enfant nud garentir
De Bize, & nege es monts, sans froid sentir?[1]
L’appellez vous enfant? qui passe en eage
(Comme Hesiode[2] escript) Nestor[3] le sage?
Quel inconstant? Qui obstiné envis
Laisse les coeurs qu’il ha prins & raviz?
Charge inutile il porte, arc, & carquois.
L’enfant peut il bender ung arc turquois?
Ailes il ha: & ne peult hault voler,
Ne les oyseaulx de ses traictz affoller.
Les coeurs humains il va blessant par terre,
Ne se bougeant de la, plus qu’une pierre.
Si aveugle est: Que luy sert une bande?
En voit il moins? Cela je vous demande.
Mais qui croiroit ung aveugle estre archer?
Qui rien ne voit à droict ne peult lascher.
S’il est de Feu, & porte flambe: Comme
Vit il encor? veu que feu tout consomme?
Ou que n’est il par les ondes estainct,
Quand les coeurs molz des Naiades attainct?[4]
Pour n’estre doncq’ de telz erreurs deceu,
Que c’est Amour, par mes vers sera sceu.
Link to an image of this page  Link to an image of this page  [I6v p140] C’est un travail plaisant, oyseux manoir.
Ses armes sont, Gland rouge, en escu noir.

En c’est [=cest] Embleme est refutée, & con-
tredicte comme faulse, & impossible, la
Poétique description d’Amour, & en fin
baillée la vraye definition d’icelluy, avec
le blazon de ses armes fauses, qui sont à
un gland de gueulles, en champ de fable:
Le gland rouge signifie le bout du mem
bre viril resemblant un gland, & pource
des Grecs appellé βαλανός Balanos. Le
champ, ou l’escu noir, est la partie honteu
se de la femme, ou communement il fait
brun.

Notes:

1.  ‘snows and North wind’. These are traditional hardships endured by the hopeful lover who finds the door shut against him. See e.g. Horace, Odes 3.10.

2.  Nestor, king of Pylos, who had outlived three generations of men, was a proverbial example of extreme old age.

3.  the poet Hesiod who, at Theogony 120, describes Love as a primeval cosmic force.

4.  ‘the...hearts of the Water Nymphs’: a reference to the many legends of water nymphs and other water spirits succumbing to love


Related Emblems

Show related emblems Show related emblems

Hint: You can set whether related emblems are displayed by default on the preferences page


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top