Switch to Dual Emblem Display

Section: LES ARBRES. View all emblems in this section.

Link to an image of this page  Link to an image of this page  [R6r p267]

Le Cypres.

Le Cypres monstre en sa fueille, comment
Il fault traicter les siens egalement.

L’arbre du Cypres depuys sa racine mon-
te tout droict, egal jusque au plus hault de
son tige, auquel il jecte branches en coron-
ne environnantes, toutes en leur reng de mes
me grandeur, & grosseur, ainsi ordonnées
sans que l’une passe l’aultre, jusque au sommet,
Link to an image of this page  Link to an image of this page  [R6r p268] ou il faict ung Cone, ou poincte demye ovale. Laquel-
le egale figure enseigne les parens de traicter leurs en-
fans tant aisnéz, que puisnéz, tant masles, que femelles
en pareille condition, & affection, sans acception de
personne, tant en nourriture, & entretenement, que en
hoirie, & testament. Car ilz sont egalement naturelz,
& legitimes. Laquelle equalite ne se observe pas
es Pays de droict escript, comme au Lyonnois.

AULTRE.

Riches tombeaux le Cypres environne:
Les monumens du Peuple Ache coronne.[1]

Costume estoit aulx anciens Romains, pour faire hon
neur à leurs parens, ou amys trespasséz de coronner,
& environner de fueillages, & fleurs en forme de Chap
pelletz Les sepulchres. Or les Monumens de ceulx de
la Seigneurie estoient coronnez de Cypres: & ceulx
du commun populaire de Ache (non de persil) lesquelz
tous deux sont quasi de semblable fueille, couleur, o-
deur, & faculté, à preserver de pourriture.

AULTRE.

Le Cypres est en fueilles bien construict,
Mais belle fueille il porte, & point de fruyct.[2]

Cecy peut estre dict des beaulx hommes, bien raméz
de membres, & de mignons bien peignéz, & testou-
néz, ou de belles femmes à beaux cheveulx, qui au de-
mourant ne valent rien, & ne portent point de fruyct.

Notes:

1.  See Pliny, Natural History, 20.44.113 for the use of parsley at funeral meals.

2.  See Erasmus, Adagia, 4210 (Cyparissi fructus).


Related Emblems

Show related emblems Show related emblems

Hint: You can set whether related emblems are displayed by default on the preferences page


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top