Switch to Dual Emblem Display

Link to an image of this page  Link to an image of this page  [O2v p212]

En quoy ay-je outrepassé? quay-je
faict? qu’ay-je laissé à faire?

LIII.

Le sage Samien[1] finissoit sa doctrine
Par ce dogme excellent & sentence divine.
Qu’as-tu outrepassé? que fais-tu ore? & qu’est-ce
Que tu laisses à faire? Et vouloit que sans cesse
Chasque jour un chacun le compte à soy rendist
De ce qu’il avoit faict, de ce qu’il avoit dit.
Ce qu’il avoit appris des grues, qui volans,
De peur de retarder, ou de peur que les vents
Ne les force tenir autre piste & autre erre
Que la leur, ont tousjours en leur pied une pierre.[2]

Commentaire.

Pythagore, natif de Samos fut auteur de la secte
Link to an image of this page  Link to an image of this page  [O3r p213] Italique. Si chacun examinoit tous les jours ses a-
ctions, on ne sçauroit croire le grand proffit qui luy
en reviendroit, & à tout le public. Alciat employe
bien à propos l’exemple des grues. Auquel nous pou-
vons adjouster ce qu’Apulee recite des Gymnosophi-
stes
. Quand, dit-il, la table est mise, avant qu’on ap-
porte la viande, toute la jeunesse accourt de divers
lieux, & ses diverses charges où ils sont employés.
Lors les maistres leur demandent, Qu’as tu faict de
bon depuis que le Soleil est levé? L’un recite, qu’estant
eslu arbitre entre deux qui estoyent en different, il
les avoit reconciliés, avoit chassé toute haine & tout
mauvais soupçon, & d’ennemis les avoit rendus amis:
l’autre dit qu’il avoit faict quelque chose que ses pa-
rents luy avoyent commandé: un autre, que par son
estude il avoit appris quelque chose qu’il desiroit sça-
voir: ou bien, qu’il avoit faict son proffit de quelque
chose qu’un autre luy avoit enseigné. Somme, chacun
recitoit ce qu’il avoit faict depuis qu’il estoit levé jus-
ques alors. Que s’il s’en rencontroit quelcun qui n’eust
rien faict ou appris de louable, on le renvoyoit au tra-
vail, sans luy bailler à disner. Jusques icy Apulee.
Il y a encor deux autres causes, pour lesquelles les
grues portent des petits cailloux, que nous reciterons
pour le contentement des lecteurs. Quand la nuict
trop obscure les contraint de se jucher sur quelque
arbre pour reposer, elles ont quelques sentinelles, qui
veillent l’une apres l’autre pour toute la trouppe. Elles
choisissent pour se jucher, un arbre qui ayt force cail-
Link to an image of this page  Link to an image of this page  [O3v p214] loux au pied. Ces sentinelles ont une pierre entre leurs
griffes. Que s’il survient quelque aigle, ou quelque au-
tre animal qui leur soit ennemi elles laissent tumber
la pierre qu’elles ont entre leurs griffes, laquelle tum-
bant sur les autres pierres, qui sont au pied de l’ar-
bre, meine un tel bruit, que toute la trouppe s’en es-
veille, & prend garde à soy. Que s’il advient que
quelque sentinelle accablee de somne lasche sa pierre,
soudain on en met une autre en sa place, qui soit plus
esveillee. La troisieme cause, pourquoy elles portent
des pierres, c’est que quand elles quittent l’orient pour
cercher l’occident, à cause de la chaleur, il leur faut
traverser le mont Taurus, qui est tout rempli d’aigles.
Lors elle tiennent une pierre en leur bec, pour em-
pescher qu’elles se jectent leurs cris accoustumés, &
que par leurdit cri les aigles ne soyent provoquees
à leur courir sus. Car les pierres les empeschent de
pouvoir crier. Ayans traversé ces montagnes, elles
parachevent leur voyage avec toute seureté. Mais
pour esmouvoir la jeunesse à faire ce tant proffitable
examen de ses actions, qu’elle lise Seneque en son troi-
sieme livre de la cholere, chap. 36.

Notes:

1.  Le sage Samien, i.e. Pythagoras. Born in Samos, he emigrated in 531 BC to Croton in South Italy, where he founded a religious/philosophical sect.

2.  Cranes wisely carrying stones as ballast are likened to men of foresight in Suidas (i.e, the Suda), s.v. geranos. Other reasons were suggested by ancient writers for this habit.


Related Emblems

Show related emblems Show related emblems

Hint: You can set whether related emblems are displayed by default on the preferences page


Iconclass Keywords

Relating to the image:

    Relating to the text:


    Hint: You can turn translations and name underlining on or off using the preferences page.

     

    Back to top