Switch to Dual Emblem Display

Link to an image of this page  Link to an image of this page  [F4v p88]

Ce qui n’est à christ, est au
Fisc.

LXII.

Quand l’esponge est pleine d’humeurs
Lon l’estraint pour luy faire rendre,
Comme il se fait à ces humeurs,
Qu’on trouve trop sçavans à prendre.
Avant qu’un larron gaigne à pendre.
Il acquiert pour sa mort dresser,

Link to an image of this page  Link to an image of this page  [F5r p89]

A fin que s’il y faut despendre,
Lon s’en puisse recompenser.[1]

commentaires.

Les Princes avares ont accoustumé d’avancer au-
pres d’eux, & notamment aux finances, ceux qu’ils
voyent estre fort esveillés & fort industrieux à in-
venter nouveaux subsides: & bien souvent les laissent
pinser & ferrer la mule pour quelque temps, sans fai-
re semblant de s’en appercevoir: Puis en un moment,
& lors que ces pinseurs cuident estre au haut de la
roue, on leur fait rendre compte, & est toute leur ad-
ministration precedente examinee selon le devoir.
Alors le Prince se saisit de tout leur avoir, & ces
miserables pillards sont bien souvent faicts Evesques
des champs. L’Empereur Vespasien en usoit ainsi.
Quand il vint à l’Empire, il n’y avoit rien au thresor:
Les edifices publics estoyent ruinés ou demolis pour la
Link to an image of this page  Link to an image of this page  [F5v p90] plus part. Il faloit trouver argent. Il employoit ces
sang sues pour en trouver, & s’en servoit comme cy
dessus. Ses meilleurs & plus affidés amis luy remon-
stroyent le tort qu’il se faisoit, mettant tels garne-
ments en charge. Il s’excusoit sur la necessité, & sur
l’intention qu’il avoit de leur faire quelque jour ren-
dre gorge. Je m’en sers, disoit il, comme d’esponges.
Quand ils sont bien secs & bien arides, je les mets en
lieu où ils se puissent bien humecter & remplir leurs
bouges. Quand ils ont bien pillé & bien desrobbé, je
les esprain de telle façon, qu’il ne leur reste plus que
la peau & les os.

Notes:

1.  This is based on Suetonius, Life of the Deified Vespasian 16.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top