Switch to Dual Emblem Display

Link to an image of this page  Link to an image of this page  [B4r p23]

DIFFERENCE DES RAISONNA-
BLES ESSENCES

Juppiter Dieu est, comme en son sainct temple,
Droict au mylieu du Monde, ou il contemple.
Autour de luy sont tous les autres Dieux
Superieurs: qui habitent es Cieux.
En grand repos, & en profond’ silence.
Le contemplans, par simple intelligence.
Car des haux Dieux est l’appellation
Deduicte en Grec, de Contemplation.
Peu au dessoubz par la voie Lactée,
Monte une bande[1] en honneur delectée.
Qui fort s’avance à ce hault domicile:
Pour avoir lieu au celeste concile.
Tout au plus bas, sont les Satyrs, & Pans,
A piedz boucquins sur la terre rampans.
Qui levent bien au ciel cornes, & testes:
Mais tousiours sont en terre, comme bestes.
Ceste est la triple espece de tous ceux
Qui ont raison, Hommes, Heroes, Dieux.
Link to an image of this page  Link to an image of this page  [B4v p24] Qui en degre nomper sont dissemblables.
Car les haulx Dieux sont tousiours imuables,
Tant le grand Dieu, que ses divins espris
Celestielz, d’amour de luy espris.
En paix eterne, & contemplation.
Sans recevoir, ne faire autre action.
Puys la vertu plus que laict blanche, & claire
Conduict esp’ritz aimans honneur, & gloire,
Et jusque au lieu des immortelz les maine,
Deifiant en eux substance humaine.
Mais ceulx desquelz l’affection s’arreste
Totallement à la chose terrestre:
Et qui l’esprit plus hault que le chef n’ont:
Ilz voyent bient [=bien] le ciel: mais point n’y vont.

Notes:

1.  Heroes of various countries who were elevated to deity status (like Aeneas); they were assumed by Classical writers for etymological reasons to be ‘indigenous’.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top