Switch to Dual Emblem Display

Link to an image of this page  Link to an image of this page  [D3v p54]

SOUVERAINE VERTU EFFACE
LA FAULSE APPARENCE
DE VERTU.

En la cite Syene Aethiopicque,[1]
Qui assise est soubz le Cancre Tropicque, [2]
Quand le Soleil est sur le plus hault poinct
Du plus grand jour, qui en l’Esté soit point:
Ombres ne sont jusqu’à l’heure de Nonne.
Car sa clarté tout le corps environne.
Et l’apparence ombrageuse des choses,
Qui sembloyent estre en la substance encloses,
Evanouit: & appert plus rien n’estre,
Par la clarté qui la faict rien cognoistre.
Semblablement, Quand aucun homme illustre,
De Sapience, & vertus a’yant lustre,
Vient resplendir en tresclaire action,
Au plus hault poinct de sa perfection:
Link to an image of this page  Link to an image of this page  [D4r p55] Ceux qui sembloient quelque chose estre: hayssent
Si grand’ lumiere, & l’ors evanouissent.
Et tout soubdain sont neant devenuz:
Ceux qui devant estoient aucuns tenuz.
Luy est Soleil: les autres sont comme ombre:
Il sert de tout, & les aultres de nombre.

Notes:

1.  Today’s Aswan, Egypt, in ancient times the border between Egypt and Nubia.

2.  A reference to the idea, long defunct but quite prevalent in Antiquity, that the earth is divided into five climactic zones, only two of which are habitable: cf. Vergil, Georgics, 1.231; Horace, Odes, 1.22.17ff; Cicero, De republica, 6.21.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top