LES DIVINES PAROLLES NE SE
CONTRARIENT.

Ma mere estant de moy encore enceincte,
Demande feit en devotion saincte
A trois des Dieux, quel fruyct elle feroit?
Phoebus luy dist, qu’enfant masle il seroit.
Mars, au rebours, que fille estoit à naistre.
Et puys Junon ne l’un ne l’autre n’estre
Ce que gisoit au ventre: respondit.
Quand je fu né, i’estoie Hermaphrodit.
Puys de rechief se volut enquerir,
De quelle mort je devoie mourir?
Junon respond, que je serois tué.
Mars que pendu. Apollon que noyé.
Vray d’un chescun le dict fut, à la preuve.
  Link to an image of this page  [G8v p112] Un arbre estoit, qui ombrageoit un fleuve
Dessus je monte: & mon espée ceincte
Se deguayna. Je tombay sur la poincte
Tout au travers de mon corps embroché
Pendant d’un pié à la branche accroché.
La teste en bas plongée en la Riviere.
Ainsi mouru par estrange maniere,
Masle, femelle, & ce que neutre semble.
Tué, pendu, & Noyé tout ensemble.