Switch to Dual Emblem Display

Link to an image of this page  Link to an image of this page  [H4v p120]

PERVERTIZ JUGEMENS.

Soubz timol Juge, un debat fut prins, entre
Pan le Pasteur, & phebus le bon chantre:[1]
Lequel diroit meilleur chants, & plus beaux:
Phebus au Luc, & Pan aux Chalemeaux.
Chascun des deux sonna son instrument.
Phebus bien doux, & Pan bien haultement.
Le Roy midas estant à l’audience:
En Juge fol donna brieve sentence.
Et prefera la Musete hault quinant
De Pan, au Luc de Phebus doux sonnant.
Pour tel arrest, Phebus si luy feit naistre
Oreilles d’Asne: affin de le cognoistre.
Oreilles d’Asne, & dignes de la teste,
Qui jugement avoit donné si beste.
Ainsi, Aucuns sont tant Asnes, tant lourdz,
De Jugement tourné tant à rebours:
Que plus leur plaict la crierie vaine:
Que de prudente Eloquence la vene.
Link to an image of this page  Link to an image of this page  [] Et la mensonge, ou fabulosité,
Plus que ne faict la simple verité.
Or pleust à Dieu que tous Asnes masquez
D’oreilles d’Asne ainsi fussent marquez!
Affin que par telz signes survenuz,
Fussent de tous telz sotz Midas cogneuz.
Lesquelz à droict, proprement, sans scrupules
On peut nommer les renversez Apules.[2]
Car par dehors figure d’hommes ont:
Mais par dedans Asnes & bestes sont.

Notes:

1.  Tmolus, the god of a mountain of the same name in Lydia (Asia Minor), decided a musical contest between Apollo and Pan. Midas (who had retired from his spoiled life as king) was a follower of Pan, and attended the contest. Tmolus awarded the victory to Apollo, and all but Midas agreed with the judgment. He dissented, and questioned the justice of the award - and was rewarded with the donkey’s ears, as in the poem. (Ovid, Metamorphoses, 11.168)

2.  Apuleius, a 2nd-century writer, was the author of The Golden Ass, in which the main character (Lucius) is partly changed into an ass and has various adventures, and seems to morph into the author himself by the end.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top