Switch to Dual Emblem Display

Link to an image of this page  Link to an image of this page  [H7v p126]

CONTENTION DES ESTUDES.

Deux beaux Enfans, en pur corps, & tous nuz,
Cueillir le fruict des Palmes sont venuz.
Desquelz l’un monte: & aux branches se leve.
L’autre est à bas: à qui de monter greve.
Celluy qui gist au pié: par desespoir
De parvenir dessus l’arbre povoir:
Ayde à celluy qui monte: en l’elevant
Dessus son corps, de marchepié servant.
Mais celluy là qui sur l’arbre gravit:
Fruyctz savoureuz de la Palme il ravit.
Non pour luy seul: mais aucuns en espand.
Et son second en faict participant.
Ceste Palme est des lettres la victoire.
Et de Doctrine excellente, la gloire,
Fruyct de l’estude, ou les enfans pretendent,
Qui sont bien nez: & de bon sang descendent.
Desquelz les uns vincuz, à leurs vinqueurs
Vont soubzmettant & leurs corps, & leurs cueurs.
Link to an image of this page  Link to an image of this page  [H8r p127] Auxquelz aussi font part de l’abondance
Des fruictz cueilliz de L’arbre de Prudence.
En les aydant de conseil necessaire:
Quand pour leurs corps, ou bien en ont affaire.
Car tous Enfans qui aux estudes vont:
Profit egal es lettres pas ne font
Ne tous à fruyct viennent en eage meure.
Mais la plus part. Par le chemin demeure
Toutesfois ceux qui se parforceront
D’y parvenir plus haux en fin seront.
Que ceux, lesquelz n’ayans si bons espritz
S’arresteront es choses de bas pris.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top