ETiam si virtutis splendor, suos non aliunde, quàm à seipsa
radios acquirat, certum tamen est languere virtutem sub
paupere tecto: virumque licet benè natum & institutum, si pau-
pertate prematur, facilè degenerare, & quasi paulatim prolabi
in viam vitiorum: ad quam inducitur, & quasi humeris pro-
truditur[1] indigentia, quae illum apud omnes reddit inglorium
& ridiculum, illius verbis autoritatem adimit & persuasionem;
famam imminuit, & contemptum efficit. Quod seculi corru-
pti contingit iniuria; in quo primum locum obtinent divitiae.
Hae solae virum bonum faciunt, etiamsi vitiis omnibus conta-
minatus sit. Dives quicunque est, statim pius, bonus, nobilis,
illustris & gratiosus omnibus iudicabitur. Opes hodie coelos
aperiunt, inferos claudunt, stultis autoritatem, prophanis ho-
norem conciliant: expugnant urbes, leges corrumpunt, pudi-
citiam ac fidem prostituunt. Nemo bonus est nisi qui bonis
abundat. Multa ingenia candida, integra, & erudita, sive lite-
rarum studiis; sive rei militaris peritia, possent quasi alis ad si-
dera deferri, sed eorum promptitudo compedibus pauperta-
tis in pulvere coercetur; à quibus moveri, aut sese expe-
dire non possunt, nisi stimulis[2] indigentiae
pungantur.

HAud facile emergunt qui paupertate premuntur:
Quos retinet, tanquam compede, tetra fames.
Immodicis opibus virtus non gaudet: at illa
Degeneri sordet subruta pauperie.

Those who are oppressed by poverty cannot easily emerge: filthy hunger holds them back, as if fettered. Virtue does not rejoice in immoderate wealth: but when undermined by base poverty, she is held of no account.