Switch to Dual Emblem Display

Link to an image of this page  Link to an image of this page  [E4v p24]

XII.

CONSOLATIO VIVIS, VITA
mortuis.

QUantas laudes mereatur bonarum scientiarum cognitio,
verbis exprimi non potest. Iuvenum enim studia agunt,
senectutem oblectant, secundas res ornant, adversis perfugium
ac solatium praebent, delectant domi, non impediunt foris,
pernoctant nobiscum, peregrinantur, rusticantur:[1] Quos si ipsi
neque attingere, neque sensu nostro gustare possumus, tamen
eas mirari debemus cłm in aliis videamus. Nullus enim civis
egregius fieri potest, qui non sit in bonis disciplinis eruditus.
Multi cłm in potestate essent hostium ac tyrannorum, multi
ełm in custodia, multi in exilio, dolorem suum doctrinae stu-
dio levarunt. Quis in eo summč elaborandum non arbitretur,
ut quo uno homines bestiis praestent,[2] in hoc hominibus ipsis
antecellat? Doctrina mores esse non sinit feros. Mortalibus
doctrina honori est omnibus. Vir literatus duplo acutiłs vi-
det. Sapiens suas ubique circumfert opes. Preciosior enim ipsis
opibus est sapientia. Portus in felicitatis[3] doctrina est mortali-
bus. Vita hominis sine literis mors est, & hominis sepultura:
Opes & caetera vitae huius commoda, collatione facta cum do-
ctrina, nihil sunt. His literati quantum necessitas requirit u-
tuntur. Sed scientiarum thesauros accumulant. certissimum
in rebus prosperis ornamentum, in adversis praesidium:
Et ex quibus fama immortalis, vitaque ą
funere propagari vide-
tur.

Link to an image of this page  Link to an image of this page  [F1r p25]

XII.

Petro Gualterio[4] Chabbotio Pictavo.[5]

CONSOLATIO VIVIS, VITA MORTUIS.

Consolation for the living, life for the dead

PRaeter mille homini quae portant commoda Musae,
Solamen vitae, praesidiumque gerunt.
Et tollunt nigro servatam ą funere famam,
Docto etiam invita vivere[6] morte datur.

Among a thousand good things which the Muses bring to Man, they bear comfort and protection of life. And they exalt reputation, which is preserved from gloomy death, for it is given to learned man to live in spite of death.

Notes:

1.  Cicero, Archias, chapter 7.

2.  Also a reference to Cicero, De Inventione rhetorica, 1.4.

3.  Corrected from the Errata

4.  Corrected from the Errata

5.  Pierre Chabbot from Poitiers or Poitou, a French humanist.

6.  Corrected from the Errata (comma deleted)



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top