Switch to Dual Emblem Display

Link to an image of this page  Link to an image of this page  [L4v p72]

XXXVI.

AMOR TECTUS ARDENTIOR.

DIfficilimum est iuventutem intra limites sui officii conti-
nere, ac stolidae illius aetatis refrenare passiones & affectus,
qui eo magis aestuant, quò magis teguntur. Nulli hominum,
aut saltem paucis, natura datum est, ut eodem tempore multo
amore inflammetur, & prudens sit. Amore iudicium perver-
titur, mens in diversum distracta, non potest imaginari quae
recta sunt & necessaria. Fluctuat omnis amans. Vis magna
mentis, blandus atque animi dolor amor est. Quae res nec mo-
dum habet, nec consilium; ratione modoque tractari non vult.
Amorem sectari solent cura, aegritudo, dolor. Amori acce-
dunt haec vitia, insomnia, aerumna, error, & terror, & fuga, in-
eptia, stultitiaque adeo, & temeritas, incogitantia, excors[1] im-
modestia, petulantia, cupiditas, & malevolentia. Inhaeret et-
iam aviditas, desidia, iniuria, inopia, contumelia, & dispen-
dium. Improbe amor, quid non mortalia pectora cogis? Cru-
delis amor, cuius parva flamma primo vapore delectat; at fo-
mento consuetudinis exaestuans immodici ardoris totum ho-
minem perurit. Amantes amentibus haud absimiles; qui seip-
sos nesciunt, & quid agant ignorant. Libertas quoniam nulli
iam restat amanti; Nullus liber erit quisquis amare volet. At
quisquis in primo obstitit pepulitque amorem, tutus & vi-
ctor fuit. Qui blandimento dulce nutrivit
malum, serò recusat ferre, quod
subiit iugum.

Link to an image of this page  Link to an image of this page  [M1r p73]

XXXVI.

Pomponio Ricio Neapolitano.[2]

AMOR TECTUS ARDENTIOR.

Hidden love burns stronger

DIfficile est rapidam frenis cohibere iuventam:
Saepe est aurigae noxia, saepe rotis.
Conduplicat vires tectus vehementius ignis.
Quoque magis tegitur, tum magis ardet amor.

It is difficult to hold back hasty youth with bridles: often it means damage to the charioteer, often to the wheels. A hidden fire doubles its strength more violently, and the more it is hidden, the more love burns.

Notes:

1.  Corrected from the Errata (comma deleted).

2.  Pomponius Ricius, from Nola, near Naples. See also Boissard 1588 ([FBOa035]).



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top