Switch to Dual Emblem Display

Link to an image of this page  Link to an image of this page  [c2v p20]

Le fard est beau que la honte destrempe.

L’Enfant doit dés le berceau s’accoustumer à mode-
stie, & s’estranger du vice. Et le precepteur discret
prendra soigneusement garde que cest aage tendrelet
s’applique de bonne heure à l’observation de la pieté &
reverence de la Majesté divine, luy donnant ceste vive
impression, que Dieu prend plaisir singulier quand la jeu-
nesse s’abstient de la pollution des vices: Et que si elle en-
tend ou voit quelque chose mal-honneste, & s’en offen-
ce avec honte, la belle rougeur qui luy en coulore le vi-
sage est le fard & vermillon plus desiré de vertu. Ceste
vergogne est l’unique conservation de toutes belles par-
ties: Elle evite le blasme, & procure louange: sans elle aussi
rien ne peut estre fait ny droitement, ny avec bien sean-
ce & reputation. L’on peut permettre aux enfans quel-
que honneste liberté: mais en sorte que soit en se joüant,
soit en se rejouyssant ils fuyent l’intemperance. En tous
jeux il faut observer ordre & mesure, & ne point exceder
le devoir de modestie, à ce qu’estant emporté par incon-
tinence on ne glisse en quelque turpitude. Et d’autant
que les exemples domestiques y peuvent beaucoup, la vie
des peres & meres doit estre tellement compassée à l’hon-
nesteté des moeurs, qu’elle soit comme une lampe de pi-
eté et de vertu: Car l’enfant estime que ce qu’il fait à l’i-
mitation de ses parens soit bien fait, & ne peut estre re-
pris. Souvent le mal se commet à l’exemple d’autruy:
dont advient que la mauvaise nourriture de la jeunesse
est d’ordinaire, & avec raison, imputée à sa premiere in-
stitution.

Link to an image of this page  Link to an image of this page  [c3r p21]

II.

VIRTUTIS TINCTURA PUDOR.

Quand pour un sale fait une modeste flame
Excite sur le front quelque rouge couleur,
L’enfant se monstre pure: & d’un signe meilleur,
Il ne nous peut marquer la candeur de son ame:
La honte, qui le point pour une chose infame,
Luy sert à faire mieux d’un pressant esguillon:
Car la vertu se plaist en ce beau vermillon:
Et qui rougit du mal evite qu’on le blasme.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top