Switch to Dual Emblem Display

Link to an image of this page  Link to an image of this page  [c3v p22]

A fille honneste honneur sert d’ornement.

LES peres & meres apprestent un grand & riche ma-
riage à leur fille quand ils l’eslevent en toute inte-
grité & modestie: Les premieres bagues entre les joyaux
de la vierge, sont pieté, chasteté, & simplicité: car la soye
et les piereries sont plustot allechemens à volupté que paru-
re de fille bien nourie: Et la superfluité des habits accuse
peu de sobrieté en l’esprit, & convie les yeux des specta-
teurs plustot à l’incontinence qu’à l’honnestete. Il n’est
rien qui fasse mieux paroistre la fille, ny qui luy soit plus
decent que la modeste simplicité: Que si la vertu s’empa-
re la premiere de son coeur, elle luy discerne & fait rece-
voir la parure propre à ce sexe, & rejetter l’indigne & su-
perflue. Il est permis à chacun de se parer selon son estat
& qualité, & d’user, mais non d’abuser par excez, de ses
accoustremens. Entre tous il est raisonnable que les en-
fans des Princes & des grands à qui Dieu a commis le gou-
vernement politique, soyent differens du peuple en ha-
bit lequel, s’il est somptueus, augmente l’honneur & le
respect qui se doit au magistrat & personnes de qualité,
ou les lambeaus les rendent autant contemptibles & me-
sprisables qu’odieux & ridicules les pauvres qui s'enflent
d’orgueil. Que doncques les premiers soyent distinguez
d’avec les derniers, gens de basse-main, par la marque de
leurs riches habits, selon le degré de chacun: Et que le drap
d’or & matiere de riche prix, avec les pierreries, soyent
rejettez, comme indecens à la femme populaire, desquels
la dame de qualité se peut orner comme proportionnez
à son extraction & au merite de sa grandeur. Mais quoy
que ce soit la mediocrité est par tout requise & necessai-
re, & se doit rapporter à toutes les appartenances de ce-
ste vie.

Link to an image of this page  Link to an image of this page  [c4r p23]

III.

VIRGINIS ORNATUS PUDICITIA ET SIMPLICITAS.

La fille emporte bien de la maison du pere,
Au proffit du mesnage, une dot ample assez.
Quand elle fait, au lieu d’ornemens amassez,
De sa pudicité son mary donataire.
Le clinquant, lescarlate, & le prix de la pierre
Ne la parent pas tant que la honte du mal,
Que l’habit simple & net, le maintien virginal,
Et que la modestie aux filles necessaire.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top