Switch to Dual Emblem Display

Link to an image of this page  Link to an image of this page  [d2v p28]

Rien n’est si fort qui ne cede à vertu.

TOut ce que nous voyons icy bas, que nous y estimons
& admirons est caduque, perissable, & subject à cor-
ruption. Les Empires, les Royaumes, les dignitez, la for-
ce, la beauté, & choses semblables, sont journalieres, qui
fleurissent pour un temps, mais qui soudain, par une re-
volution ordinaire, viennent à flestrir, se changer & se
perdre. L’homme n’a rien qui soit de durée: Tel est le bon
plaisir de la divine providence, affin que retirans nos af-
fections du lustre de ceste terre basse, nous eslevions nos
coeurs à la contemplation des choses celestes. Vertu seu-
le surmonte tout, & ne se trouve rien de si solide ny si
ferme qui venant à estre separé d’elle ne tombe en ruy-
ne: Elle est fille de l’eternité, qui a pour suitte la gloire &
l’honneur, dont elle n’est non plus abandonnée que le
corps de son ombre: Elle fortifie, enrichit, illustre son se-
ctateur, non pour une heure, un jour, ou une année, mais
si long temps que la memoire en est portée à la posterité.
Elle en espand la renommée à toutes mains, establissant
son honneur à perpetuité. Tout ce qui s’acquiert separé
de vertu s’enfle bien pour quelque temps comme ampou-
les de pluye sur la face des eaus, ou celles que le festu en-
grossit avec savon destrempé, elles esclattent par la diver-
sité de leurs couleurs, & sont aggreables à la veuë: mais
leur lustre se passe en un moment, & par un leger attou-
chement s’esvanouyssent. Vertu est une affection de l’a-
me constante & bien assise, qui glorifie ceux en qui elle
est emprainte: D’elle proviennent les volontez honne-
stes, les meures & prudentes deliberations, & toutes droi-
tes & justes actions.

Link to an image of this page  Link to an image of this page  [d3r p29]

VI.

DOMAT OMNIA VIRTUS.

Tout le pouvoir acquis par une injuste guerre,
La flateuse grandeur de nostre extraction,
Les honneurs attrapez avec deception
Escoulent comme l’eau, & ne profitent guiere:
Tout se perd par le temps comme il se peut acquerre,
Le conseil toutesfois conceu d’un bel esprit
Resiste aucunement, & si tost ne perit:
Mais vertu s’eslevant toutes choses atterre.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top