Switch to Dual Emblem Display

Link to an image of this page  Link to an image of this page  [d4v p32]

La renommée esclot de beaus effects.

LA bonne reputation est beaucoup plus precieuse que
nul autre tresor: Et rien n’est de si grand prix & me-
rite qu’il doive faire negliger la qualité d’homme de bien.
Ne se chaloir de ce qui peut estre dit de soy, demonstre
la personne arrogante, fiere & presomptueuse, voire mes-
mes abandonnée & perdue. Il est bien sçeant à celuy qui
est extrait de bon lieu, & qui a receu belle education, d’e-
stre en bonne opinion à l’endroit de ses parents, de ses a-
mis, & d’autre gens de bien, & d’avoir soing que son hon-
neur demeure entier mesmes apres sa mort, combien que
hors ceste vie il ne luyen reste aucun usage, car il n’y a
possession si grande qui luy puisse estre esgalée. La perte
de toute autre chose se peut restablir, mais l’honneur en-
tamé ne se repare qu’avec grande difficulté. Quoy qu’il
en soit ou la vertu reluit esclatte d’ordinaire la belle re-
putation: Aussi est le desir de gloire comme un esguillon
qui pousse l’ame genereuse à l’entreprise de choses gran-
des & arduës. Ceste gloire poursuit ceux qui la fuyent, &
pour cela se trouve plus ardemmant desirée des secta-
teurs de vertu: Et quand l’homme de bien la souhaitte
ce n’est pour la ravir comme proye, mais pour la rece-
voir comme salaire deu justement à vertu: Que si quel-
qu’un la rejette par mespris il fait cognoistre sa lascheté
en la suitte de ceste mesme vertu: Bref non seulement
les arts les plus beaus, mais aussi la vertu, reçoivent nou-
rriture, & s’entretiennent par les mains de l’honneur.

Link to an image of this page  Link to an image of this page  [e1r p33]

VIII.

FAMA VIRTUTIS STIMULUS.

Le renom qui demeure est une forte pointe
Poussant l’homme de bien dans l’ouvroir de vertu:
Il tient à l’action le courage tendu:
Et aus braves effects les desseings il appointe:
Mais celuy qui du bien son humeur a disjointe,
Qui rejette en desdain d’honneur le riche pris,
Suit vertu laschement, car ce baveus mespris
Rebouche un masle coeur & sa vigueur espointe.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top