Switch to Dual Emblem Display

Link to an image of this page  Link to an image of this page  [e2v p36]

Faute de biens faut manquer la vertu.

COmbien que la splendeur de vertu n’emprunte ses
rayons d’ailleurs que d’elle mesme, il est neantmoins
tres-certain que si elle croupit en pauvreté elle est foi-
ble & languissante: & celuy degenere facilement, ores
qu’il soit de bon lieu, & bien instruit, qui se trouve op-
pressé de ceste affliction, & glisse peu à peu par le pendant
du vice, ou l’indigence l’attire, pour le rendre contem-
ptible, ensemble indigne d’honneur & d’autorite, sou-
strayant la force & la vigueur à son langage. Telle est la
corruption de nostre temps, auquel les richesses tiennent
le dessus, & rendent celuy seul honorable qui les posse-
de, bien qu’il fut des plus vitieus: car qui a dequoy est en-
vers tous en reputation d’estre bon, sainct, noble & grand,
& par tout est suyvi d’honneur, de respect & de caresses.
Aujourd’huy les richesses ouvrent les cieux, ferment l’en-
fer, autorisent les fols, honorent les profanes, emportent
les villes, corrompent les loix, prostituent la chasteté:
Bref nul n’est en estime d’homme de bien qui n’a de grans
moyens: Et plusieurs sont de bon esprit, ont belle & bon-
ne facon, sont doctes, braves & valeureus, qui par leur
vertu pourroient s’eslever au ciel, mais leur promptitude
& bonne volonte est traversée par le deffaut, & ne pour-
royent se relever de la poussiere du mespris, ny se des-
gourdir pour cercher leurs necessitez, s’ils n’y estoyent
pressez par le flambeau & poignant esguillon de povre-
té, en laquelle est encores ce bien que ce qu’elle retient
d’un costé par disette, elle le pousse de l’autre avec la
contrainte.

Link to an image of this page  Link to an image of this page  [e3r p37]

X.

ΟΥΤ ΑΡΕΤΗ ΑΤΕΡ ΟΛΒΟΥ ΕΠΙCΤΑ.

Ceus que la pauvreté cruellement oppresse,
S’eslevent rarement à quelque dignité:
Ou docte, ou valeureus, n’attens d’autorité,
Si plus tost par bon heur, disette ne te laisse.
Vertu ne cerche pas l’excessive richesse,
Ny parmy les honneurs, le degré le plus haut:
Mais elle fuit aussi le vergogneus deffaut
Dont elle degenere, & sa force r’abbaisse.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top