Switch to Dual Emblem Display

Link to an image of this page  Link to an image of this page  [e3v p38]

D’un grand effect le beau bruit nous honore.

COmme le bouclier forgé d’un acier clair & brillant,
s’il est exposé au soleil, redouble en splendeur qui
esclatte de toutes parts, avec esbloüyssement des yeus
qui le regardent. Ainsi se faict cognoistre par sa vertu ce-
luy qui l’exerce en l’execution de beaus & courageus ef-
fects: Car s’il advient que son nom glorieus de soy-mes-
me, soit encores enregistré au livre de memoire par la
plume de celebres escrivains, il en augmente sa lumiere,
& sa reputation en est continuée à la posterité. A la
verité il y a bien dequoy faire estat d’un homme qui, par
un singulier benefice de Dieu, se trouve doüé de pieté,
de justice, de force, de temperance, & de prudence, & d’
autres excellentes parties qui le mettent en respect en-
vers tous: mais son bon-heur se fait plus grand quand il
rencontre, comme dict est, personnage propre à les pu-
blier par ses escrits: autrement on en fait comparaison
aus esclairs & tonneres qui luisent & bruyent pour un
moment: mais s’esvanoüyssent soudain, sans laisser mar-
que qu’ils ayent esté. Alexandre le grand faisant les ob-
seques & funerailles d’Achilles, le jugea comble de bon-
heur, en ce que les Dieus luy avoyent suscité Homere di-
gne heraut de sa valeur & de ses faits genereus. Il est dif-
ficile de retenir la bonne fortune en un point, & garder
qu’elle face faus-bond à celuy qu’elle favorise, & bien
mal-aisé qu’elle ne flestrisse la renommée du vertueus,
& ne l’ensevelisse soubs le silence, si la plume, qui est la
vie de memoire, ne l’en garentit. Tout est subjet à chan-
gement: & n’est moindre vertu de conserver sa belle re-
putation que de l’acquerir.

Link to an image of this page  Link to an image of this page  [e4r p39]

XI.

HISTORIA VIRTUS FIT SPLENDIDIOR.

En vain s’enfle d’espoir qu’il puisse de sa gloire
Faire estendre le fil à la posterité,
Qui par braves effects de generosité
A de mille combats emporté la victoire.
De noz actes plus beaus s’escoule la memoire
Restrainte dans un temps: mais la plume leur fait,
S’elle est prise à garand, prendre un lustre parfait
Par le refrappement des rayons de l’histoire.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top