Switch to Dual Emblem Display

Link to an image of this page  Link to an image of this page  [f2v p44]

L’ombre le corps, l’Eenvie [=Envie] suit vertu.

ENvie, opiniastre compagne de vertu, poursuit cou-
stumierement les gens de bien: car c’est chose usitée
entre nous de n’endurer volontiers que la loüange d’un
autre touche nos oreilles, ny qu’aucun soit plus que nous
exalté. Or l’envie que nostre vertu nous produit ne nous
doit sembler importune, d’autant que celui qui a du coeur
s’en rend plus prudent, & se tient plus soigneusement sur
ses gardes: Et si l’envie suit vertu, comme l’ombre le corps,
c’est pour l’esveiller, & faire qu’elle se tienne à l’erte pour
sa deffence, & qu’elle asseure son pied dans le droit sen-
tier, pour par milles fatigues & traverses gaigner ce ram-
part invincible de gloire, ou s’estant establie elle peut re-
poser en perpetuelle asseurance. Envie a de coutume de
s’opposer & contrarier ceus qui executent les faicts di-
gnes de loüange, & ce tandis qu’ils vivent: car apres leur
trespas elle neglige sa naturelle malice. A tout eve-
venement vertu est à soy mesme un souverain guerdon, &
n’a besoin de loüange estrangeres: mais porte avec soy
son los & reputation. Quiconque passe le cours de sa vie
avec honnesteté & droicture, s’aschemine, bon gré mal-
gré l’envie, & par un singulier benefice de vertu, à l’im-
mortalité desirée, sans que la gloire de ses actions lui soit
diminuée, ny que l’envie la lui puisse ravir, ores qu’elle le
talonne, & pratique malicieusement la violence de son
poison pour la luy faire perdre.

Link to an image of this page  Link to an image of this page  [f3r p45]

XIIII.

ΑΡΕΤΗC CΚΙΑ ΦΘΟΝΟC.

Son ombre a chacun corps qui le suit ou devance,
Selon que la clarté le devance ou le suit:
De mesme la rancoeur importune poursuit
Prez à prez la vertu qui parfaitte l’offence.
Mais la pointe qu’envie au vertueus eslance
L’esveille à l’action qui sa louange accroist:
Et n’estoit ce contraire il s’aneantiroit
Pour croupir molement en trop de nonchalance.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top