Switch to Dual Emblem Display

Link to an image of this page  Link to an image of this page  [f3v p46]

Tout oeuvre bon se ressént [=ressent] de l’envie.

L’Araigne venimeuse succe son poison de la mesme
fleur en laquelle la mouche à miel cueille sa dou-
ceur. L’envieus suit le naturel malin de la premiere: car
il fait amas de ses damnables calomnies sur les mesmes
belles & loüables actions, desquelles le vertueus se sert
pour meriter quelque gloire: Et le plus souvent prent oc-
casion de blasmer l’innocent soubs pretexte de pieté &
de charité. Certes ce siecle miserable n’est que trop fer-
tile en semblables pestes, qui sans raison abbayent le bon
bruit des gens d’honneur. Rien ne peut estre fait ny tant
sain, ny tant entier, qu’il puisse eviter leur dangereuse
morsure: mais portez par leurs haines, & autres passions
vicieuses, soubs le masque de vertu oppressent calomni-
eusement les amateurs de paix & de justice. D’ailleurs
la vertu, qui est debonnaire & sans fiel, se trouvant libre
des remords d’une mauvaise conscience, endure, sans in-
quietude la dent de ces malins calomniateurs: car elle
les croit dangereusement malades en leurs ames, & plu-
stot subjet de commiseration que vengeance. Aussi est il
certain que si nostre interieur nous rend tesmoignage
de n’avoir conspiré, ny faict chose qui ne soit bonne &
droite, nous coulerons nos jours en tranquillité d’esprit.
La bonne conscience nous fait posseder nos ames en re-
pos centre les adversitez: avec ceste asseurance que Dieu
protecteur de l’innocence des siens ne les abandonnera,
pour les laisser opprimer, ou flestrir leur reputation par
les mechans.

Link to an image of this page  Link to an image of this page  [f4r p47]

XV.

OMNE BONUM OPUS INVIDIAM SENTIT.

Sur une mesme fleur & l’araigne & l’avette
Vont pillant leur butin; la douceur celle cy,
Et l’autre son venin: mesme bien fait ainsi
Exercice à vertu, & pour envie appreste.
L’une y puise son los, l’autre sa hayne infecte:
Mais l’envieus malin qui se voit devancer,
Et d’un mesme subject rien que fiel amasser,
S’en repaist, & du bon la ruyne projecte.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top