Switch to Dual Emblem Display

Link to an image of this page  Link to an image of this page  [g1v p50]

Au bruit d’Envie est vertu resveillée.

ENvie est un deffaut detestable & pernicieus, qui
toutesfois n’est pas sans quelque utilité: car outre
que l’envieus reçoit autant de tormente de la felicité
d’autruy, que de ses propres calamitez, il est cause que l’
homme de bien met peine de ne chopper en aucune par-
tie de ses vertueuses actions: Il y a de plus, que l’envieus
se trouve souvent ignominieusement enveloppé dans
les rets de ses calomnies, & que pensant à belles dents ron-
ger la renommée d’autruy il se les brise & dissipe à sa pro
pre ruyne & confusion. C’est sans doute que celuy ob-
jecte avec imprudence à son prochain la tare & deffaut
qui se recognoissent en luy-mesme: Aussi ne doit on fai-
re estat de l’injure qui procede d’une langue outrageuse
& mauvaise, comme si quelque jugement rassis l’avoit
proferé. Le vertueus mesprise tousjours le blasme qu’à
tort luy procure l’envieus, reconu de tous pour meschant,
& de que les paroles de loüanges ne peuvent estre receües
que pour opprobre & vitupere: car la force de sa probité
luy fait supporter en patience tout ce que calomnieuse-
ment on luy peut imposer. Le cours de ceste vie n’a rien
de meilleur que la possession d’une ame droitte & nette,
& la joüyssance de sa propre liberté, sans soing de l’incon-
stante volubilité des choses de ce monde. Le sage ordon-
ne en telle sortes les actions de sa vie qu’il en peut rendre
conte quand besoing fait, & supporte sans esmotion d’e-
sprit la maligne & cruelle censure de l’envieus, qui ne
laisse rien, pour pure & beau qu’il soit, sans quelque at-
tainte de mesdisance.

Link to an image of this page  Link to an image of this page  [g2r p51]

XVII.

VIRTUS INVIDIA FIT EXCITATIOR.

Par ses oeuvres Vertu tient Envie en haleine,
Qui cerche ostinémént d’y reprendre & blasmer,
Controle leur merite, & pour les déprimer
Soubs un severe poids en balance la peine.
Pour ce monstre pourtant vertu point ne se peine,
Seulement plus soigneuse à l’erte elle se tient,
Et contre la censure en sorte se maintient
Q’uà [=Qu’à] sa perfection son labeur elle meine.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top