Switch to Dual Emblem Display

Link to an image of this page  Link to an image of this page  [m1v p90]

Tous nos mal-heurs sont fruits de Volupté.

ON ne peut estre assubjetti à chose plus basse, ny plus
vile que Volupté: Le medecin guerit la fureur
& manie: mais entre toutes la volupté est incurable:
Nature nous l’a donnée pour trespernicieuse peste, de la
source de laquelle découle tout ce qui est en ceste vie de
crimes & de malheur. Aussi ne peut elle estre rencontrée qu’
elle ne soit suivie de repentance: mais tardifve, & qui tou-
sjours est flestrie de blasme: car il est prudemment ordon-
né que douleur & volupté soyent tousjours accrochées
ensemble: Aussi tient volupté le plus haut degré de tur-
pitude & de deshonneur, comme celle qui change l’hom-
me en beste sauvage, & qui s’escoule legerement, laissant
au lieu de memoire de sa douceur, un vergogneus sub-
jet de repentance. Plusieurs qui s’y sont addonnez ont en-
couru de tresgriefve [=tresgriefves] maladies, infamies & dommages:
Et quelque fois par l’excez & force de son poison ont
commis des actes qui honteusement les ont trainé au
supplice: Tant plus elle est grande avec tant plus de vio-
lance jette elle la raison de son siege: Partant qui se lais-
se gourmander à ce vice, & allecher de sa trompeuse
douceur, ne doit avoir charge en l’administration de l’E-
stat bien policé: veu qu’il est impossible que l’ame qui
s’addonne à ses concupiscences puisse demeurer en son
lieu, pour avec plus de prudence & jugement considerer
un fait serieus, & discerner le vray du faus, pour en tirer
une resolution salutaire: Et celuy ne fera le prouffit d’au-
truy qui demeure inutil à soy-mesme.

Link to an image of this page  Link to an image of this page  [m2r p91]

XXXVII.

VOLUPTATIS USURAE MORBI.

Abhorre volupté, ne t’en laisse surprendre,
Ses attraits sont pipeurs, peste des bons esprits,
Qui luy tournent le dos crainte destre [=d’estre] surpris:
Car tousjours, mais trop tard, le regret elle engendre.
Toute l’utilité que tu peus en attendre,
C’est te veoir indispos, angoisseus, & dolent,
Genné la nuit le jour d’un remord violent:
Et le mocqué subjet d’un perilleus esclandre.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top