Switch to Dual Emblem Display

Link to an image of this page  Link to an image of this page  [m3v p94]

Vertu n’a place ou Volupté domine.

LA Volupté empesche que le jugement & le bon con-
seil ayent leur force: car elle est ennemie de raison,
& ne veut rien avoir à desmeler avec vertu, laquelle elle
chasse hors du lieu ou elle a autorité. De là vient que ceus
qui ont leurs pensées & affections enveloppées de chose
si sale, ne peuvent entreprendre rien qui soit excellent. Partant
il faut que celuy qui a l’ame bonne se destourne de passi-
ons vilaines, qui abaissent le courage, l’effeminent, & l’es-
longnent de vertu: & qu’il tienne tout plaisir vitieus,
par lequel la vertu perd son lustre: car il n’y a raison que
l’homme, qui est composé de corps & d’ame, ait moindre
soin de l’ame, qui est la meilleure partie de son estre, que
du corps terrestre & perissable: Et de l’appetit & de la
raison deus parties qui se considerent en l’ame, si l’ame
est en son entier, sans estre alterée de vicieuses affections,
la raison commande & l’appetit obeït. Les maladies de
l’ame sont ambition & convoitise, non de gloire seule-
ment, de richesses, ou de dominer magistralement sur
autruy, mais des sales voluptés, qui le rongent d’une roüil-
le honteuse de soucis & de langueurs, & ne permettent
qu’elle ait correspondance avec la vertu. Arrestons don-
ques que vertu & volupté sont deus extremes opposez,
entre lesquels y a tant d’ostacles, qu’ils ne se peuvent ja-
mais approcher pour s’appointer.

Link to an image of this page  Link to an image of this page  [m4r p95]

XXXIX.

UBI VOLUPTAS IMPERAT ILLINC EXTRUDITUR VIRTUS.

Par tout ou volupté regne desordonnée
Elle y flatte les siens de vitieus plaisirs,
En chasse la vertu, aus répurgez desirs,
Dont elle va privant sa trouppe effeminée.
La haine qui les tient en discorde ostinée,
Les picque sans relasche à querelleus debats,
Lu’ne [=l’une] pour maintenir ses vitieus esbats,
L’autre affin d’empescher leur course enpoisonnée.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top