Switch to Dual Emblem Display

Link to an image of this page  Link to an image of this page  [n2v p100]

Comme la lepre est le pauvre odieus.

TOut le monde advoüe que pauvreté n’est pas vice,
& toutesfois quiconque est necessiteus s’il se retrou-
ve en compagnie, il y est en mespris: car jamais le pauvre
n’a ny authorité ny credit, quelque doctrine ou bonnes
parties qu’il puisse avoir, ses propos, sans poids & sans ver-
tu, sont mesprisez, & les riches le voyent tousjours d’un
oeil desdaigneus, sa condition abjecte le rend contempti-
ble: C’est pourquoy l’on dit qu’il y a peu de difference
entre pauvreté & ladrerie: car qui se trouve infecté de
l’une ou de l’autre est abandonné de ses parens & amis. La pau
vreté est d’une grande force, car elle contraint souvent
celuy, qui au reste est homme de bien, à perpetrer choses
contraires à son devoir. A dire vray, le pauvre est plustot
digne subjet de commiseration que de haine. S’il nous
advient de recevoir chez nous quelque amy necessiteus
nous le traiterons pour le premier jour avec assez de bon
visage, pour le second il nous desplaira, & s’il y sejourne
le troisiesme nous l’en chasserons. Combien que la diset-
te en soy ne soit à blasmer, elle produit neantmoins tous
les jours assez de causes qui esmeuvent le pauvre à mal-
faire, entre autres la famine y a bonne part. La vierge ne
trouve de plus rusé desbaucheur que l’indigence: c’est
une tache qui ternit estrangement le lustre de noblesse,
dont on fait aussi peu de cas que d’un festu, si elle est
sans richesses, lesquelles le sage ne doit, toutesfois appe-
ter que pour fuyr l’ignominie de pauvreté.

Link to an image of this page  Link to an image of this page  [n3r p101]

XLII.

PAUPERTAS LEPRAE SPECIES

Nous disons entre nous pauvreté n’estre vice
Le pauvre touteffois nous demeure à desdain:
Et quoy qu’un digne fait nous parte de sa main,
Il n’en peut esperer aucun honneur propice.
Si tu souffre chetif le bourelant supplice
De la necessité, nulle excuse te duit,
Comme contagieus tout le monde te fuit:
La lepre & le defaut font mesme prejudice.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top