Switch to Dual Emblem Display

Link to an image of this page  Link to an image of this page  [o2v p108]

N’adjouste foy à la foy de Fortune.

CEste vie a son cours inconstant & variable, & ses
evenemens sont incertains & tres-muables: C’est
ce que l’on appelle Fortune, qui, plus que toute autre cho-
se, est contraire à constance & raison: & non seulement
elle est aveugle, mais aussi prive de veüe ceus sur lesquels
elle exerce son pouvoir, les desnuant de prudence & de
jugement. Il seroit fort difficile de rendre conte des cau-
ses pour lesquelles elle exalte les meschants, & deprime
& rabaisse les gens de bien: Entre ses mauvaises condi-
tions, elle a de coustume d’enfler de presomption & d’or-
gueil ceus qu’elle pourvoit d’estats & de dignitez: Et qu’
ainsi soit, il n’est rien plus intolerable que l’indiscret, à
qui elle rid. Quant à son aveuglement, il paroist en ce qu’
elle ne regarde à la rencontre, & ne fait aucune juste ele-
ction pour bien ou mal faire: ains souvent confere ses pre-
sents à personnes indignes, gratifiant ou disgratiant à l’ad-
venture qui bon luy semble. Pareille au verre, qui fresle
esclatte en lueur, mais qui se casse aisémént quand on le
tient, de rencontre facile, mais de tres-difficile retenue,
n’ayant rien de constant & asseuré que son inconstance
& volubilité: Des biens de laquelle il faut user, & n’en
point abuser, avec ceste attente, qu’elle renversera de-
main aus abismes ce qu’aujourd’huy elle aura eslevé au
sommet de felicité. Elle n’est jamais plus à craindre que
lors qu’elle se jouë gracieusement avec nous: C’est pour-
quoy le sage qui desire avoir son ame en repos la mespri-
se, & sans trouble d’esprit la supporte egalement, soit qu’
elle se rende benigne, soit qu’il la trouve farouche.

Link to an image of this page  Link to an image of this page  [o3r p109]

XLVI.

NULLI PRAESTAT VELOX FORTUNA FIDEM.

Lors que fortune rid, & que plus favorable
Elle nous vient flatter de l’offre de ses dons,
Tenons nous en cervelle; & souples nous gardons:
Car c’est lors qu’elle doit estre plus formidable.
Ne rejettons pourtant sa faveur amiable,
Ains quand elle nous l’offre il nous en faut jouir:
On la peut recontrer, mais non la retenir,
Ny boucler par conseil sa fuitte inevitable.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top