Switch to Dual Emblem Display

Link to an image of this page  Link to an image of this page  [B6v]

Haine recommencée pire que devant.

Apres qu’un charbon est estainct,
Et de rechef du feu attainct,
L’ardeur est plusgrande beaucoup
Qu’elle n’estoit à l’aultre coup.

Link to an image of this page  Link to an image of this page  [B7r]

QUand ung courroux est appaisé
Et puis apres il se rallume.
A l’estaindre est mal aisé,
Car plus que devant ard & fume,
Ainsi que l’on void par coustume,
Ung charbon qui estainct sera,
S’il est au feu tout se consume,
Et plus ardemment bruslera.

★ Une hayne recommencée,
Est beaucoup plus dure & cruelle,
Que n’estoit la fureur passée,
Et en sort bien plus grand querelle,
Sy le feu monte en la cervelle,
Ou il avoit desja esté,
La noise en sera plus mortelle
Plongée en ire & cruaulté.

★ Celluy qui void doncq courroucer,
Son amy qui puis se rappaise,
Il ne doibt point recommencer,
A le faire chault comme braise,
Car s’il s’esmeust en la fournaise
De son cerveau tout gastera,
Et ne sera jamais bien aise,
Jusqu’a ce qu’il s’en vengera.

Notes:

1.  Cf. Erasmus, Parabolae, drawing on Plutarch, Moralia, 454E, and Pliny, Natural History, 36.201.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top