Switch to Dual Emblem Display

Link to an image of this page  Link to an image of this page  [B8v]

Amour ne se peult celer.

Je suis ung livre auquel on appercoit
Les grans secretz de l’amoureuse flamme,
Je suys gardé de ceste belle dame,
Pour ung amy quelque part ou il soit.

Link to an image of this page  Link to an image of this page  [C1r]

AMour est de si grand’ puissance,
Qu’il ne se peult tousjours celer:
Car il tend à la jouyssance
Nonobstant baiser ou parler,
Regard ne peult le cueur saouler,
Le penser repest quelque temps,
Mais cela n’est que batre l’aer,
Jouyr faict les amans contens.

★ Mais quand on pert tous ces acces,
Qu’on ne peult veoir, baiser ou dire,
Le cueur tresbuche en tel exces,
Qu’il veult ses grans douleurs escripre,
Affin que l’aymé puisse lire,
Le dueil que l’aultre peult souffrir,
Et comme il est en ce martire,
Par faulte d’amour luy offrir.

Ceste dame donc esgarée,
De son amy trop rigoureux,
A escripre s’est preparée,
Ses regretz & plainctz douloureux,
Pour le monstrer à l’amoureux,
Affin qu’a elle se ralie,
Mais par telz escriptz malheureux,
A chascun montre sa follie.

Notes:

1.  The same woodcut is used as the first emblem in Corrozet’s Cebes in Thebes.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top