Switch to Dual Emblem Display

Link to an image of this page  Link to an image of this page  [C2v]

De tribulation vient prosperité

C’est ma vie & ma soustenance
Quand en moy brusle ung feu ardent
Mais si le feu se va perdant
Je peris en grand desplaisance.

Link to an image of this page  Link to an image of this page  [C3r]

SOuventesfoys prosperité,
Procede de l’adversité.
Et de la tribulation,
Vient grande consolation.
Le feu en montre la maniere
Auquel est substance & lumiere.
La substance est chaulde & ardente,
La lumiere est clere apparente,
La grand ardeur note tristesse,
Et la clarté joye & liesse.
Et comme apres nuyct sans seiour,
Succede le cler & beau iour,
Tout ainsi la joye succede,
A douleur dont elle procede.
La forge en faict la clere preuve,
Sy grand feu en elle se treuve,
Elle en sera mieulx soustenue,
Du maistre dont elle est tenue,
Et tant plus elle bruslera,
Tant mieulx soustenue sera,
Si nous sommes doncq tourmentez,
Et par adversité tentez,
Nous debvons avoir l’esperance,
Qu’il en viendra joye & plaisance.

Notes:

1.  Cf. Erasmus, Adagia, 1.9.51 (Pyraustae interitus).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top