Switch to Dual Emblem Display

Link to an image of this page  Link to an image of this page  [C6v]

La cruaulté d’amour.

Puis que je sens par amoureux encombres,
Ung feu qui mect cueur & corps à torment,
Sans recepvoir de dame alegement
Fault que l’esperit, s’en voise soubz les umbres.

Link to an image of this page  Link to an image of this page  [C7r]

L’Homme bruslant en ardeur excessive
De fol amour, pour la beaulté nayfve,
De quelque dame ou belle damoyselle,
Est il pas fol de tant souffrir pour elle?
L’homme est il pas d’une sotte nature,
De tant souffrir pour beaulté qui peu dure?
Maulx & travaulx, tristesses & malheurs,
Pour ung plaisir on à mille douleurs.
Tu voy lecteur ce malheureux souldard,
Dont sort ung feu qui le consumme & ard.
Et lequel feu ne vient poinct de dehors:
Ains vient du cueur au millieu de son corps,
Parquoy ne peult ce fol amant se plaindre,
Sy ceste ardeur le vient brusler & poingdre,
Veu que c’est par luy qui le souffle & allume,
Pour se brusler: mais femme par coustume,
Quand elle void ce pauvre homme tout nu
Sans biens, sans croix, sans quelque revenu
Elle le hait, & de soy le dechasse,
En lieu d’aymer rudement le menasse:
Il appert donc que tout homme amoureux,
Nourrit en soy ce feu trop rigoureux,
Mais quand il a tout son bien despendu
Il est chassé comme ung homme pendu.

Notes:

1.  See also emblem 10 ([FCGa010]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top