Switch to Dual Emblem Display

Link to an image of this page  Link to an image of this page  [C7v]

Le maulvais eslevé et le bon humilie.

Tousjours se sent par orgueil eslevé,
L’homme maulvais de sa condition,
Mais le bon homme en sa perfection
Humble se tient comme ung boiteux grevé.

Link to an image of this page  Link to an image of this page  [C8r]

On void souvent c’est [=cest] embleme & enigme
Verifié, car l’homme qu’on estime
Bon & loyal, & tel est il aussy,
Vit humblement en peine & en soucy
Considerant sa grand fragilité.
Cela le rend ung peu debilité,
Et n’a de soy aulcune confiance,
Sy au premier n’en a l’experience:
Ains peu à peu il se mect en avant,
Comme ung boiteux qui chemine souvent,
En s’appuyant au baston de force:
Mais le maulvais de hault voler s’efforce,
Honneur pretend, & grand authorité,
Par vaine gloire & par temerité,
En presumant plus de soy grandement
Que ne comprend le sien entendement,
Il entreprent les choses difficiles,
Qu’à son advis il juge bien faciles,
Et se veult faire obeyr comme maistre,
Ainsi qu’on void celuy qui tient ce ceptre [=ce sceptre] ,
Et a au pied une aelle qui l’esleve.
Advient aussy que le bon homme on greve,
De tous costez tant qu’il en est boiteux,
Mais le maulvais felon & despiteux,
Le plus souvent au monde est honnoré,
Ainsi qu’ung Roy en son trosne doré.

Notes:

1.  Luke 1:50-52; 2 Corinthians 12:7-10.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top