Switch to Dual Emblem Display

Link to an image of this page  Link to an image of this page  [C8v]

Contre les divers assaultz d’envie.

Le herisson qui des chiens est vené,
Pour eviter leur cruelle morsure
Tout rond se faict & pour sa garde seure,
Est de picquantz par tout environné.

Link to an image of this page  Link to an image of this page  [D1r]

QUand tu seras d’envieux assailly,
Ne monstres pas ton courage failly,
Mais prens bon cueur armé de pacience,
Te monstrant fort, & plein de sapience,
Pour resister aux calumniateurs
De ton renom & bien dissipateurs,
Soys tout constant contre les calumnies,
Blasmes, mesdictz, injures & envies,
Qu’on pourroit bien inventer contre toy.
Sy les maulvais te mettent en esmoy,
Par leurs faulx dictz, monstre toy bien discret,
Et encontre eulx, clos, couvert & secret,
Ainsi que faict le subtil herisson,
Qui scait tresbien la maniere & facon,
De se garder à l’encontre des chiens,
Si sagement qu’on ne luy nuyct en riens:
Car quand il void qu’il est assailly d’eulx,
Pour se garder en ce faict tant doubteux
En rond se mect, voire par ung tel ordre,
Qu’aulcun des chiens n’a pouvoir de le mordre,
Il est en soy de tous costez fermé.
Et de picquantz tresdangereulx armé,
Que si les chiens le viennent approcher
Pour le tuer, pour le mordre ou toucher,
A ses picquantz tresfort se picqueront,
Et tout soubdain ilz s’en reculeront.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top