Switch to Dual Emblem Display

Link to an image of this page  Link to an image of this page  [D2v]

Noblesse de Science,

Achilles grand honneur merite
Pour sa prouesse redoubtable.
Homere aquiert honneur semblable,
Pour l’histoire qu’il a escripte.

Link to an image of this page  Link to an image of this page  [D3r]

Le gentilhomme expert au faict des armes,
Qui est ducteur des fortz & preux gens d’armes,
Merite avoir tresgrand renom & pris,
Et mesmement quand aux chocz & allarmes,
Se monstre preux & ne crainct les vacarmes,
Des ennemys qu’il veult tenir surpris,
Si pour le bien publicque a entrepris,
Quelque grand cas comme homme bien appris,
Et de repos ą labeur faict eschange,
Son temps y va, son bien y est compris,
Son propre corps y est bien souvent pris,

La raison veult qu’il en ait grand’ louenge.
★ Non moindre honneur & non moindre noblesse
Aquiert l’autheur qui par sa grand sagesse,
Compose & faict quelque histoire & cronicque,
Car si ung prince a faict haulte prouesse,
Ou quelque cas venant de gentillesse
On l’oubliroit sans cest art & praticque.
Par l’escripvain on void la chose antique,
Ainsi qu’a l’oeil, on l’estime autentique,
Aux successeurs en reste la memoire.
J’en dy autant du facteur poetique,
De tout esprit bon & scientifique,
Qui pour ses dictz merite honneur & gloire.

Notes:

1.  Cf. Plutarch, Alexander, 15.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top