Switch to Dual Emblem Display

Link to an image of this page  Link to an image of this page  [E4v]

La force d’amour.

Cruel enfant si ton feu brusle & ard
Les cueurs humains par flammes & flammesches,
Pourquoy ton arc tire il tant de flesches?
Veulx tu soubz toy chascun faire soudard

Link to an image of this page  Link to an image of this page  [E5r]

LE Dieu d’amour l’enfant tresinhumain
Tient ung bel arc dedans sa dextre main,
Dont il descoche une ague sajette,
Que rudement contre une dame il jette.
Dont il la navre & fiert par grand rigueur,
Tant qu’elle pert de raison la vigueur.
Elle a le coup dont la playe est profonde,
Qui ne guerit pour quelque herbe du monde,
Et qui pis est, impossible est qu’on tire
Hors de son cueur le fer plein de martire.
En l’aultre main tient ung feu plein de flamme
Dans ung cornet dont il brusle & enflamme,
Ung amoureux lequel ne peult trouver,
Contre ce feu ung assez froid hiver.
En vivant meurt, il a vie en mourant,
Et est sans cesse en ce feu demourant,
Qui tousjours brusle & ne peult consommer.
Sy on s’enquiert pourquoy le dieu d’aymer
Use de feu, le cas est tout notoire,
Qu’il ne povoit de son bel arc D’yvoire
Tant descocher, qu’il peust chascun attaindre,
Dont à Venus sa mere s’alla plaindre,
Qui tout soubdain luy feit present & don
De la moytié de son ardent brandon,
Pour en brusler les amoureulx infames,
L’arc & les traictz il garda pour les femmes.

Notes:

1.  This same woodcut is used in Cebes in Thebes, emblem 25 ([FCGb025]). See also Emblem 10 in this volume ([FCGa010]); Anthologia Graeca, 16.207 and 250; and Alciato, ‘Vis Amoris’ ([FALa073]), and ‘Potentia Amoris’ ([FALa076]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top