Switch to Dual Emblem Display

Link to an image of this page  Link to an image of this page  [E6v]

Discorde haye de dieu.

Lors que discorde eust esté expulsée
Des cieulx luisantz par le dieu Juppiter
Et qu’il la feit en bas precipiter,
La guerre fut en terre commencée.

Link to an image of this page  Link to an image of this page  [E7r]

DIscorde ung jour se voulut entremettre
Entre les dieux & déesses se mettre,
La hault es cieulx, mais n’y fut pas long temps,
Qu’entre eulx esmeut grans noises & contentz,
Ce que voyant la puissance divine,
Craignant le ciel tresbucher en ruyne,
Et les discords & propos odieulx,
Trop s’esmouvoir entre les puissantz dieux,
Du hault du ciel la feit tomber en terre,
Ou elle esmeut contention & guerre
Entre les gentz, par longs plaids & proces,
Armes, cousteaulx, & telz piteux exces.
Hayne elle esmeut entre le filz & pere,
Entre les seurs, entre la fille & mere,
Entre les roys & princes estrangers,
S’accompaignant de mort en telz dangers.
De ce temps la les lieux de Paradis,
Pourtant de maulx luy furent interdictz,
Car la ou siet la grand’ divinité,
Estre ne peult noise & hostilité.
Le dieu des dieux ne veult point de discorde,
Car il est dieu de paix & de concorde.
Mais tant de temps que ce monde sera,
En ces bas lieux discorde habitera.
Nous debvrions doncq nostre mort souhaiter,
Pour les beaulx lieux de la paix habiter.

Notes:

1.  Cf. Erasmus, Adagia, 1.7.13 (Ira omnium tardissime senescit). It was at first Ate, and not her daughter Discordia, who fell from the heavens (Homer, Iliad, 19.91ff.).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top