Switch to Dual Emblem Display

Link to an image of this page  Link to an image of this page  [F1v]

Contre celuy qui est cause de son mal.

L’oye se faict tort & dommage,
Car la legere plume porte,
Dont on faict au traict son pennage,
Qui navre l’oye & la rend morte.

Link to an image of this page  Link to an image of this page  [F2r]

L’Arbalestrier a de coustume,
Prendre de moy pauvre & simple oye
De mes aelles la belle plume,
Qu’au long du traict joinct & employe,
Et ce traict contre moy envoye.
Ma plume l’ayde à l’apporter,
Alors s’il me treuve en la voye,
La mort me vient la arrester.

★ Je ne doibs point estre accusée
Si je suis cause de mon mal,
Ains doibs plustost estre excusée,
Pour mon instinct qui est brutal;
Mais l’homme tresnoble animal,
En qui raison gist & repose,
Est à soymesmes desloyal,
Quand il est de son mal la cause.

★ L’homme doibt bien prendre à luy garde
Qu’en son parler & en son faict,
Trop ne s’adventure & hazarde,
Qu’il n’en soit surprins & deffaict,
Sy en luy il congnoist effect
Doubteux, dont bien ou mal survient,
Au vouloir ne soit satisfaict,
Car plustost mal que bien advient.

Notes:

1.  Cf. Aesop, Fables, no. 7 (Chambry ed., 1927), which features instead an eagle; and La Perriere, Theatre, no. 52 ([FLPa052]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top