Switch to Dual Emblem Display

Link to an image of this page  Link to an image of this page  [F2v]

Triumphe d’humilité.


Ung doulx Aigneau soubz son pied tient
Le Lyon des bestes le prince,
Humilite maistrie & vince
Les plus grands que terre soustient.

Link to an image of this page  Link to an image of this page  [F3r]

PEtit Aigneau tant humble & innocent
Tu as vaincu ce lion grande beste,
Tu luy as mis ton pied dessus sa teste
Vers toy s’incline & au faict se consent,
Il fleure bien ta doulceur & la sent,
Ton pied doulcet faict ses crins abaisser,
Et sa fureur du tout en tout cesser,
Ses yeulx cruelz se baissent vers la terre,
Tu as sur luy (non par ta force) aquis,
Mais par doulceur ung grand triumphe exquis,
Tant qu’il est prest de te quitter la guerre.

★ O que tu es de dieu la bien aymée,
Humilité au bel Aigneau semblable,
Ta courtoisie & facon amyable
Vince l’orgueil qui a la teste armée,
Tu reluyras par clere renommée,
En rapportant triumphe de victoire,
Ton nom au chef de la sacrée histoire,
Sera escript non pas soubz lettres closes,
Et soubz ton nom sera mis pour memoire
Humilité qui vince toutes choses.

Notes:

1.  The image of the lamb here should symbolise the triumph of Christ, the Lamb of God. See also Isaiah 11:7. The devise of the Parisian bookseller Pierre Cousin, a contemporary of Corrozet, was “Humilitas vincit omnia”, and his mark resembled very nearly this woodcut.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top