Switch to Dual Emblem Display

Link to an image of this page  Link to an image of this page  [F4v]

L’ymage de Nemesis déesse de juste vengence.

Nemesis puissante déesse
Lente, mais vraye vengeresse,
Punit de droict & par raison,
Selon le temps & sa saison,

Link to an image of this page  Link to an image of this page  [F5r]

ONemesis pleine de grand vertu
Respondz, pourquoy dedans ta main tiens tu
La droicte palme à qui le vent faict force?
C’est pour monstrer la grand vertu de force,
Qui maulgré ventz, maulgré pluye & tourmente,
Tousjours se tient bien droicte & resistante.
Pourquoy tient [=tiens] tu dedans ta dextre main
Ce mors de bride? affin que tout humain
Soit temperé tant au cueur qu’en la bouche,
Et que le mors d’atrampance l’embouche.
Je m’esbahys encor de tes facons,
Pourquoy as tu soubz piedz ces Lymacons?
C’est pour monstrer & affin que l’on sache,
Que tout ainsi que le Lymas se cache
En sa coquille, ainsi je suis mussée
Au cueur humaine & secrette pensée.
Que signifie aussy que je voy estre
Pres toy bien bas ceste couronne & septre?
C’est pour donner à entendre à tous princes
Aux puissantz roys, aux seigneurs des provinces,
Qu’ilz ne prendront trop grande diligence,
Sans juste cause à faire aspre vengence.
Pourquoy es tu si descouverte & nue?
A celle fin qu’ung jour je soys congneue,
Car soys certain quoy que le temps ravisse,
Je venge tout par le droict de justice.

Notes:

1.  The bridle is a traditional attribute of Nemesis (see also Alciato, ‘Nec verbo nec facto quenquam laedendum’ ([FALa013]), which seems to have furnished the inspiration here). The snail represents the slowness of vengeance. See also Anthologia Graeca, 16.223.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top