Switch to Dual Emblem Display

Link to an image of this page  Link to an image of this page  [F5v]

Fault eviter maulvaise fortune.

Se ung lievre marin[1] sent venir
Sur mer la tempeste & tonnerre,
Incontinent se mect à terre
Pourvoyant au temps advenir.

Link to an image of this page  Link to an image of this page  [F6r]

SI tu congnois que fortune diverse
Te soit ung temps trop fascheuse & adverse,
Et que les flocz de ceste mer mondaine
Batent ta nef par tempeste soubdaine,
Faire tu doibs comme ung lievre marin,
Qui void le ciel atrempé & serin,
Dont il est gay & nage entre les undes,
Mais si les eaux & leurs vagues profondes,
Sont en fureur par les ventz concitées,
Par la tempeste & oraige excitées,
Lors se mect il en terre ferme & seure
Et en ce lieu du maulvais temps s’asseure,
Car ce n’est poinct sa joye & sa santé
D’estre en la mer griefvement tourmente,
Ains est bien mieulx dessus la terre verte,
La non ailleurs sa joye est recouverté.
Fais doncq ainsi si l’adverse fortune
Vers toy se monstre amere & importune,
Et si tu sens que l’eau d’adversité
Tombe sur toy, soys alors incité
D’en saillir hors & prendre terre ferme,
C’est à noter qu’il fault que tu conferme [=confermes]
Tes bons propos soubz espoir d’avoir mieulx,
Et ton cueur soit constant & vertueux
Au naturel joignant le sens aquis,
Temporisant ainsi qu’il est requis.

Notes:

1.  Cotgrave: ‘an ouglie and venemous fish, whose left side nothing resembles the right’. See also Erasmus, Parabolae, drawing on Pliny, Natural History, 32.9. See also emblems 39 and 47 ([FCGa039], [FCGa047]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top