Switch to Dual Emblem Display

Link to an image of this page  Link to an image of this page  [G2v]

Amour vaincu par argent.

Puis qu’argent m’a tant gourmandé,
Qu’il est par dessus moy le maistre,
Je ne veulx plus estre bandé,
Ains veulx mon bandeau au feu mettre

Link to an image of this page  Link to an image of this page  [G3r]

C’Est honte à vous dames & damoyselles
Que Cupido qui vous tient soubz ses aelles,
Se plainct de vous disant à toute gent
Que le chassez pour complaire à l’argent,
Et qu’a present ne faictes chose aulcune,
Sy en avant n’est mise la pecune
Vous n’estes plus (ce dict il) amoureuses,
Mais de l’argent trop avaricieuses.
Amour n’est plus dans le foeminin cueur,
Car l’argent est dessus amour vaincueur:
Amour n’est plus en cueur ny en la face,
Pource qu’argent luy faict quicter la place.
De tel moyen que mettez voz honneurs
Entre les mains de ceulx qui sont donneurs
D’or & d’argent. Certes dames j’en jure,
Je crains qu’a droict ne souffrez ceste injure,
Et que celluy Cupido qui l’arc bandé
N’a pas grand tort si ses yeulx il desbende,
Et mect au feu le bandeau qu’il avoit,
Et par ainsi voz cautelles il void.
Or je conseille à vous toutes mes dames
Si vous voulez vivre sans honte & blasmes,
Que vous chassiez par ung propos pudicque,
Ce Cupido & sa mere lubricque,
Et ne fuyez ce vice seulement,
Mais avarice aussy semblablement.

Notes:

1.  In 1537, Almanque Papillon published his Victoire et triumphe d’Argent contre Cupido, and Charles Fontaine wrote a Response in it. See emblem 10 ([FCGa010]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top