Switch to Dual Emblem Display

Link to an image of this page  Link to an image of this page  [G3v]

Le secret n’est à reveler.

Voiez icy en ceste histoire,
Comme je tiens une esventoire
Dequoy j’esvente une pensée,
Qui s’est devant moy advancée.

Link to an image of this page  Link to an image of this page  [G4r]

C’Est grand folie d’esventer
Et sa pensée à chascun dire,
Car par trop souvent caqueter
On peult à soy & aultruy nuyre.
Il n’est riens dessus l’homme pire,
Et qui le faict plus indiscret
Que la langue prompte à mesdire,
Qui ne peult celer son secret.

★ Dire ne fault tout ce qu’on scait,
Ne chanter tout ce que l’on pense,
Soit de plain chant ou de faulset,
Soit de gaing ou soit de despence,
La langue qui trop tost s’advance
Pour le secret du cueur ouvrir,
Baille à ce cueur ung coup de lance,
Dont à tard il se peult guerir.

★ Celluy qui dit tout son courage,
Et ne peult bien son secret taire,
Il se mect d’aultruy en servage,
Quand il le faict son secretaire,
Mais qui est seul proprietaire
De son secret sans apparoistre,
Et n’en faict aulcune inventaire,
Cestuy est de luy le seul maistre.

Notes:

1.  The sense of this emblem relies on the word play: ‘éventer une pensée’. The opposition ‘plain chant / fausset’ is strange, but we know that Corrozet was not interested in music!


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top