Switch to Dual Emblem Display

Link to an image of this page  Link to an image of this page  [G8v]

Esperance conforte l’homme.

Si fortune soustiens & porte,
Qui m’a faict ung tour inhumain,
Je tiens esperance en la main,
Qui me conduict & me conforte.

Link to an image of this page  Link to an image of this page  [H1r]

IL ne se fault poinct contrister
Pour fortune qui nous advienne,
Mais sagement y resister,
Quelque fascherie qui vienne,
Il fault qu’esperance soustienne
Noz faictz & tribulations.
Je conseille doncq qu’on la tienne
Pour reigler noz affections.

★ Que gaignons nous de nous marrir,
Ny d’avoir douleur ou tristesse,
Pour veoir quelque chose perir
Qu’avons acquis en grand liesse?
Il est vray que cela nous blesse
Et poingt au cueur, mais toutesfoys
Bonne esperance nous radresse
Et nous guerit aulcunesfoys.

★ Esperance paist les chetifz,
Ce dit le proverbe ancien,
Et fussent prisonniers captifz,
Chascun dit l’espoir estre sien,
Parquoy j’ose dire, & soustien
Qu’il n’est si malheureux sur terre
Qui n’espere avoir quelque bien
Avant que mort le vienne querre.

Notes:

1.  For the proverb, see Erasmus, Adagia, 4.4.63 (Spes servat afflictos); and 3.1.92 (Spes alunt exules). The latter of these is cited by Gabriel Meurier, Recueil de sentences... (Antwerp, 1568), fol. 127 (“Vaine espérance mourrit les chétifs”). For Fortune, see emblem 40 ([FCGa040]); for the Celestial Sphere, see emblem 41 ([FCGa041]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top