Switch to Dual Emblem Display

Link to an image of this page  Link to an image of this page  [H1v]

Experience aulcunesfoys dangereuse.

J’ay esté trop sotte & hardie
Vouloir Cupido desbender,
Car quand il a peu regarder
J’ay esté perdue & perie.

Link to an image of this page  Link to an image of this page  [H2r]

FEmmes d’honneur, bourgeoises, damoyselles
Veufves sans pair, mariées, pucelles
Ne vous trompez, & ne vous decepvez.
Chasteté soit vostre maistresse & guide,
Et ne laschez à voz desirs la bride,
Mais restraignez, comme faire debvez.
★ Ne temptez poinct vostre sexe bening,
N’essayez poinct si le cueur foeminin
Resistera aux amoureuses flammes.
Ne vous donnez aulcune occasion
De suyvre amour en sa confusion,
Lequel destruict & les corps & les ames.

★ Gardez vous bien de desbender les yeulx
De Cupido cest amour furieux,
N’essayez poinct vostre force & prouesse,
Car bien souvent tel vit en liberté
Qui se soubzmect dessoubz la cruaulté
D’ung incongneu, dont il a grand destresse
★ Fuyez amour, fuyez tous ses caquetz,
Fuyez plaisirs, fuyez festes, banquetz,
Quand vous pensez qu’amour y mect ses laqs,
Sages soyez & vous donnez de garde
Que fol amour ne vous voye & regarde,
Car je crains bien que n’en criez helas.

Notes:

1.  See emblem 10 ([FCGa010]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top