Switch to Dual Emblem Display

Link to an image of this page  Link to an image of this page  [H3v]

Les petits peuvent souventesfoys nuyre.

L’aigle vollant eut au formis debat,
Mais le formis pour venger sa grand honte
Sur ung rocher inaccessible monte,
Les oeufz de L’aigle alors casse & abat.

Link to an image of this page  Link to an image of this page  [H4r]

PAr ceste hystoire on doibt assez entendre
Qu’on ne doibt poinct tant seulement contendre
Avec les grands, mais avecq les petis
Qui sont souvent pour nuyre trop subtilz,
Et ont l’engin qui cause mal & dueil.
Il se faict bon garder d’ung petit oeil,
Car ŕ ung corps de petite stature
Gist aussy bien ung gros cueur par nature
Qu’il faict au grand, & peult maintesfoys nuyre
Celluy petit, pour ung plus grand destruyre.
Sy tu est riche & as beaucoup de bien,
Ce nonobstant je te pry garde bien
De despriser, ou blasmer l’impuissance
D’ung plus petit, qu’il n’en preigne vengeance,
Ainsi que feit l’ingenieux formis,
Qui ŕ monter ung hault rocher s’est mis,
Affin de nuyre au grand Aigle volant,
Qui l’avoit mis en quelque mal talent,
Celluy formis en vengeance tresprompt,
Les oeufz de L’aigle il casse brise & rompt
Et jecte au bas de la roche treshaulte.
Ainsi voions quand on faict quelque faulte
Vers ung petit, cela luy est propice
Pour aguiser son engin en malice.

Notes:

1.  This Aesopic story, cited by Erasmus in Adagia, 3.7.1 (Scarabeus quaerit aquilam), is about a scarab beetle, not an ant.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top