Switch to Dual Emblem Display

Link to an image of this page  Link to an image of this page  [I7v]

Maulvaise nourriture.

Quelcun en prenant ses esbatz
M’a ainsi mise contrebas
La cire le feu nourrissant
L’estainct & le faict perissant.

Link to an image of this page  Link to an image of this page  [I8r]

QUand la torche est dessus son pied dressée
La cire lors nourrist le feu luysant,
Mais quand elle est contrebas renversée,
Le feu s’estainct nulle clarté faisant,
La cire doncq contre droicte nature
Estainct le feu au lieu de nourriture,
Tout ainsi sont aulcuns parens qui deussent
Enfantz nourrir à celle fin qu’ilz fussent
Gens de vertu, & au lieu de ce bien
En tout peché & vice les enseignent
Par mal nourrir leurs bons aspritz estaignent,
Et telz enfantz en fin ne vallent rien.

★ On doibt aussi par ceste hystoire entendre
Aulcuns ayantz trop laise de leur corps
Tant de viande & de vin osent prendre
Qu’ilz sont tremblantz, foibles à demy mortz:
Ce qui les deust par droicture nourrir
Avant leur temps les avance a mourir,
Car ilz font tant d’execrables exces
Que maladie en leurs corps faict acces
Qui les conduict de terre jusqu’au centre,
Mieulx il vauldroit suyvre sobrieté
Il en viendroit plus grande utilité
Que de mourir par trop nourrir son ventre.

Notes:

1.  The upended torch carried by Love signifies the end of life’s pleasures in many funereal monuments. Guy de Tervarent, Attributs et symboles dans l’art profane, 1450-1600, 2 vols. (Geneva, 1958-64, re-edition, 1997), col. 183.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top