Switch to Dual Emblem Display

Link to an image of this page  Link to an image of this page  [I8v]

Multiplication de proces.

Tout homme en proces tantsoit fin,
Alors qu’il pense estre ą la fin,
Il luy en survient troys ou quatre
Pour lesquelz il se fault debatre.

Link to an image of this page  Link to an image of this page  [K1r]

DAns le paluz de lerne residoit
Hidra serpent lequel avoit sept testes,
Mais Hercules qui riens ne demandoit
Qu’aquerre honneur par ses nobles conquestes
Livra l’assault ą ce serpent hideux
Et s’il couppoit des testes une ou deux
Pour ceste la sept aultres revenoient
Qui en ung corps toutes s’entretenoyent:
Et luy estant de ce faict bien recordz
Pour debeller ung si furieux monstre
Sa grand prudence avec sa force monstre,
Laisse la teste & va tuer le corps.

★ Ainsi celluy qui ą quelque proces
Pour icelluy il debat & argue,
Il quiert moyen pour vaincre tel exces
Par tous subtilz & par pratique ague.
Il veult prouver son faict par plusieurs dictz
Salvations, replicques, contredictz
Et quand il pense estre ą la fin de cause,
Cent incidentz la partie propose.
Lors ce proces qui est ung grand serpent
Quand on attend qu’il doibve sa fin prendre
Aultres proces grandz comme luy engendre
Dont le plaideur ą la fin s’en repent.

Notes:

1.  The list of the twelve labours of Hercules is well known; cf. the Anthologia Graeca, 16.92ff. See also Alciato (later editions), ‘Duodecim certamina Herculis’ ([FALc137]); and La Perriere, Theatre, no. 100. ([FLPa100]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top