Switch to Dual Emblem Display

Link to an image of this page  Link to an image of this page  [K5v]

Republicque.

Comme en la nef chascun s’applicque
Faire l’office ou il est mis,
Tout ainsi en la republicque
Par degré plusieurs sont commis.

Link to an image of this page  Link to an image of this page  [K6r]

QUand la nef est bien equippée
De matz de rames & de voilles
Et que la mer l’a attrapée
Entre les eaux & les estoilles,
La est le patron resident
Honoré comme ung president
Par qui la nef est gouvernée,
Puis elle est conduicte & menée
Des galiotz le voille au vent,
L’ung est à la proue devant,
L’aultre est au matz, l’aultre à la hune,
Ainsi chascun se mect avant
Pour venir au port sans fortune.

★ A bon droict peult on comparer
La republicque à la navire,
Ainsi la fault il preparer
Pour la bien mener & conduire.
Les ungs ont le gouvernement
Dessus tout generalement
Aultres soubz eulx tiennent office
Chascun employe son service
Pour le bien du pauvre commun
Par ordre & en temps opportun
Selon son degré & puissance,
Et pour l’entretenir, chascun
Y faict de soy obeyssance.

Notes:

1.  For the ship as symbol of the state or of the human condition, cf. Erasmus, Parabolae, drawing on Plutarch, Moralia, 20C, 782B and 812C. The same woodcut is used in Cebes in Thebes, no. 31.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top