Switch to Dual Emblem Display

« Previous EmblemNext Emblem »
Link to an image of this page  Link to an image of this page  [K7v]

Ne cacher la verité.

A barrel with a burning candle on top. Leafless tree, left; palm tree, right
[Click on image to enlarge]

Ne vueilles soubz le muy cacher
La belle esclairante chandelle,
On a tousjours a faire d’elle
Pour besoigner ou pour marcher.

Link to an image of this page  Link to an image of this page  [K8r]

LA verité ne veult estre cachée
Par laps de temps se monstre & se descoeuvre
Et sa clarté ne veult estre empeschée
Soit de bonté ou soit de maulvaise oeuvre.
Sy par fallace & par dol on la coeuvre
Pour n’estre aux gentz bien claire & apparente,
On tombe, on chet sans tenir voye & sente,
Car la lumiere est du tout absconsée
Ne plus ne moins que la chandelle ardente,
Qui soubz le muy est cachée & mussée.

★ Je ne dy pas la faulse verité,
Dont ont parlé les meschantz hereticques,
Mais seulement je me suis arresté
Aux cueurs couvers & aux vouloirs iniques
Qui par maintz tours & diverses trafiques
Dessoubz le muy de leur malice fiere
De verité ont caché la lumiere
Contrevenantz au dict evangelicque,
Car quand on mect verité en arriere
Tout s’en va mal par ung chemin oblicque.

Notes:

1.  Cf. Matthew 5:15, and Mark 4:21. Also in this book, emblem 13 ([FCGa013]).

« Previous EmblemNext Emblem »

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top