Switch to Dual Emblem Display

Link to an image of this page  Link to an image of this page  [L2v]

La guerre doulce aux inexperimentez.

Les Papillons se vont brusler
A la chandelle qui reluyct.
Tel veult à la bataille aller
Qui ne scaict combien guerre nuyct

Link to an image of this page  Link to an image of this page  [L3r]

CEulx qui n’ont eu de guerre les travaulx,
Et qui n’ont veu les bannieres en l’aer
Donner dedans, abbatre les chevaulx
Faulser harnoys, meurtrir & affoller,
Qui n’ont aussy veu les esclatz voler,
Trompes sonner, & semondre à l’assault,
Tant que tout homme en fremit & tressault
Voyant son sang sur terre respandu,
Ceulx la je dy qui n’ont bien entendu
Les maulx divers de la guerre cruelle,
L’estimant doulce, amoureuse & tant belle
En desirant estre en telz bastillons,
Ilz sont ainsi que petis papillons,
Lesquelz s’en vont brusler à la chandelle.
★ On faict, on dict de guerre les chansons,
S’esjouyssant des assaulx & vacarmes,
Ce sont pour vray fascheux & meschantz sons
Dont les deux yeulx debvroient espandre larmes,
Ceulx qui les font n’ont gueres veu les armes
Et ne sont pas bien experimentez.
O pauvres sotz de guerre vous chantez
Et ne scavez les maulx qui sont en guerre
Vueillez premier l’effect d’icelle enquerre
Et ne louez ce qui est à blasmer,
N’appellez doulx ce qui est bien amer,
Et gardez bien qu’on ne vous y entasme,
Non que les fortz & les puissantz je blasme,
Car au besoing on les doibt bien aymer.

Notes:

1.  Cf. Erasmus, Adagia, 4.1.1 (Dulce bellum inexperis). See also Alison Saunders, The Sixteenth-Century French Emblem Book (Geneva, 1988), p. 42, for a parallel proverbial manuscript, where the image is associated with the idea of a dispute. This image will be later the topic for illustrating the suffering caused by love: see Dorothy Gabe Coleman, An Illustrated Love “Canzoniere”. The Délie of Maurice Scève (Geneva/Paris, 1981), pp. 57-58.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top