Switch to Dual Emblem Display

Link to an image of this page  Link to an image of this page  [L4v]

Complexion de femme.

Je tiens L’olive à la main dextre,
Et une espée à la senestre,
En noise & guerre me repaix,
Puis quand je veulx je fais la paix.

Link to an image of this page  Link to an image of this page  [L5r]

ON ne void poinct une femme occupée
A batailler, n’y [=ny] à tenir espée,
Au moins bien peu, si est ce qu’en la terre
Elle a esté cause de mainte guerre,
Car son esprit conduict par liberté
Est aguisé d’une subtilité
Qui peult tant faire avecq les pleurs & larmes
Qu’esmouvera la force des gendarmes.
Elle à l’esprit elle à la langue prompte,
Dont les plus fortz & puissantz elle dompte,
Selle ne faict guerre & occision
Elle en sera aumoins occasion,
Car son parler a une telle force
Qu’a batailler les hommes elle efforce,
Ainsi qu’on void par les belles hystoires
Qui de telz cas sont les vrais repertoires,
Mais quand la femme a l’esprit bien humain
Elle tient lors toute paix en la main,
Sa volunté à sa beaulté accorde,
Tant que les deux ne quierent que concorde,
Elle fera les hommes furieux
Estre courtoys, simples & gracieux,
Elle fera en diverses provinces
Mettre la paix entre courroucez princes,
Comme on a veu & void on bien souvent
Quand pour tel cas on la mect en avant.

Notes:

1.  The olive branch, symbol of peace, is held in the right hand, and the sword in the left. This figure recalls Athena, both the goddess of war and the goddess of peace. See emblem 80 ([FCGa080]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top